Dunya Teh Henteu Sadaun Kelor

Selasa, 03 September 2013

Dunya Teh Henteu Sadaun Kelor

Tangkal kelor umumna mangrupa tangkal sisi basisir. Sok sanajan kitu nepi ka pagunungan rea nu melakm minangka wates pakaranganatawa pager.

Melakna ge henteu hese, komo make merelukeuunpersaratan anu bangga, kudu di gemuk atawa dibere obat anti hama. Da ieu mah ngan tangkal atawa dahan anu ditancebkeun sok asal ulah kagaringan, tereh jeung babari sirungan.

Kelor lain tangkal anehpikeun urang mah, komo dipilemburan. Lantaran pucukna sok dipake lalab atawa dipake sayuran, samalah dina keur hajatan apan sok ngahajakeun aya “pasak kelor” pikeun nyumponan salah sahiji sarat supaya salamet taya hahalang.

Tangkal Ubar

          Tina bukuna Ny.Kloppenburg-Vensteegh taun 1933, rupa-ropa kagunaan kelor jangeun ubar diterangkeun kalayan jentre. Upamana:

Ubar luar, pikeun anu katarajang kasakit biri-biri, oedem atawa layuh, akar kelordigiling/ dirieus jeung kulit akar gedang. Kitu deui pikeun ubar kulit, kurap, borok jeung bisul. Daunadirieus jeung apu, tuluy dibalurkeun.

Ubar jero, godogan akarna kacidaalusna pikeunubar reumatik, anti skorbut, sakalor, jste.  Atuh godogan akarjeung dauna pikeun ubar ngalancarkeun cikahampangan. Sedeng minyak tina sikina bisa dipake ubar stimulans, diuretikum jeung sawatara ubar nyeri lambung.

Ngaherangkeun Cai

          Di Nigeria atawa sudanaya tangkal anu dingaranan behen, sarta ku urang dinya daun jeung buahna anu ngora keneh sok dipake sayur, sarta bagian-bagian tangkal anu sejenna dipake pikeun ubar, sikina anu geus kolot sok dipake ngaherangkeun cai, upamana cai susukan atawa solokan anu tadina kiruh, lamun dicampuran siki kelor turta meunang ngarieus, bakal jadi herang.

Anu disebut tangkal behen teh tangkal kelor lamun di urang mah, ngan beda jinisna. Atuh di India atawa pakistan mah ngarana tangkal nirmali.

          Pikeun ngabuktikeun bener henteuna kelor bisa dipake ngabersihan cai kiruh< Direktorat Penelitian Masalah bangunan departemen Pekeerjaan Umum ngayakeun panalungtikan ngeunaan mangpaat tangkal kelor.

          Ti mimiti pucuk, daun, kembang, buah, siki, kulit tangkal, tug nepi ka akarna, geus dicoba jeung dipariksa. Hasilna dibuktikeun yen ngan sikina anu geus kolot wae anu bisa ngaherangkeun cai.

          Upamana bae rupa-rupa cai, timimiti cai balong, cai suskan, cai selokan tug nepika cai ti kawasan leuweung gambut, dicoba. Rata-rata pikeun ngaherangkeun saliter cai bieu diperlukeun antara 10 nepi 25 siki buah kelor anu geus kolot. Carana, siki kelor ditutu atawa digerus, tuluy campurkeun jeung cai kiruh anu rek diherangkeun. Sawatara menit bakal katingal bagian cai anu luhur jadi herang sedeng anu handap aya endapan anu kiruh. Geus kitu mah ngan tinggal misahkeun bae.

          Dina widang nngabersihan cai, zat anu bisa ngendapkeun kokotor tina cai disebutna teh koagulan. Tah zat koagulan anu aya dina kelor teh nyaeta mirosin jeung emulsin, duanana mangrupa alkaloida, sarta ngandung N (5,10%), P (8%), C Organik (56%), Ca (1,1%), Mg (0,4%), jste.

          Disawatara tempat tengkal kelor teh sok ngahaja dipelak keur tangkal panyinglar bahaya, nu matak tong aneh lamundipelakna sok ngahaja di juru buruan, tukangeun imah, atawa dina jajalaneun ka lembur.

Bunder 3 sept 2013